السُّودَانُ يَبْكِي( للشاعر يوسف الحمله) من بحر الوافِر

 

سداسيات

من كراسة الذكريات

1. المحطه قبل الأخيره

ما بقاش غير نص محطه..سيدي جابر..وصل القطر

أبلع في الريق الشطه..في طريق محتاج البتر

و بقلك وجعك زايد..و انا ماشي و مش متحمل

الفرن بنارك قايد..و ازاي للرحله ها كمل

في الفرقه مابيننا فوايد..و انا أحسن ليا اترمل

من غير ما ندبر خطه..نقطه..و من أول سطر

2. الخرده

أغيب عن وعي..أيوه..يا ريت..لأني تعبت من وعيك

لا انا قادر أعود للبيت..و لا شاكر في يوم سعيك

سيوف الشك..واخداني..لدايرة مقصله بارده

لطائر،،رخ،،..شاوياني..و رمياني في نار شده

إذا قلبي رجع تاني..ها يبقي خرده للخرده

نسيت و الله إني نسيت..بأني قريت..في يوم نعيك

3.القله

لقيت قله..علي شباكك الأخضر..

و طرف ستاره بايسه فيها عصفوره

و ضوء فله..مع النسمه بتتمخطر..

و ضوء شفاف إذا لقطوكي في الصوره 

ناديتك بس ماسمعتيش ندا الملهوف..

و لا اهتميتي حتي بالسؤال عني

لأول مره في المشوار أحس بخوف..

و اقول في قصايدي ليل و نهار كبر سني

وقف زغلول يمام علي

 كتفي كان منتوف..

همسلي بصوته لما فتحتله بني

دا أعلي مقام بنور الله هايتعطر..

و بكره تبقي عضو في مجلس الشوري

4.عز القياله

أنا كنت في الأصل مسالم..طيب..و دايما محتاجلك

عاشقك و باتحدي العالم..و الله دايما من أجلك

بس انتي مش قد شرايا..ليكي في عز القياله

والحب مش بس قرايه..في ديواني و محادثه طويله

الحب مهره في قمرايه..تتحدي كل الخياله

الرب بالأوجاع عالم..يحميني من بركان دجلك

5.

في بحر الموج هناك سابحه..و كل مكان هنا رابحه.

و اجيبلك سندوتش معايا..أقطع نصه و اعطيكي.

أموت لو حد حاول يوم..يشيل من فوقك الطرحه.

فأجري عليكي بخيول القصايد..لاجل أحميكي.

أخطيكي علي أشلائي يا طاهره..7 مرات.

و أرقيكي إذا بص الجميع لحظه..علي عيونك.

أجيلك حافي فوق السنط..مش تعبان من المسافات.

أحاول يبقي لوني يا أمي..من لونك و تكوينك.

يا حاضنه من زمان يا حبيبتي..رغم العسر في الديانات.

لكنك مستحيل أبدا..تسامحي حد  بيخونك.

ساعات أنسي..و اردد إسمك القرٱني ع السبحه.

و جوه البرد أو في الحر..برموشي أغطيكي

6.الملكوت

حلقت في الملكوت و جيتلك جوه قلبي قرنفله..

و سألت عنك و انتي نايمه بدون هدوم فوق البلاط.

حاولت احل المسأله مالقيتشي ليها مسأله..

و لقيتني بيكي غريق في نهر من المتاهه و السكات.

فصرخت من خوفي عليكي و جيبت ليكي مرتبك..

فوقي العبايه السوده لون الليل قديمه مقطعه.

سلفت ليكي عنيا لما صرفتي كل مرتبك..

و سمعت صوتك و انتي بتحاولي تدوسي الضفدعه.

مين الل يقدر مهما كان في وجودي تاني يشطبك..

أو يكتبك أسطوره جنب أغاني تافهه مسرسعه.

أو يحلبك و انتي اللي باقيه نخله ليا في الخلا..و هاتفضلي دايما إيزيس الخالده ساجده ع البساط

7.الغوايش

عايش و لابس في الغوايش ضيقه..

بين ألف ترس و ترس لسه بيتفسخ

الهدمه فوق جسده اللي محني شرنقه..

و الضغط فوق قلبه العليل خلاه صرخ

ساعي لحتفه و ناتفه من ريش الحياه..

و كأنه رايح لسه سدرة منتهي

أوقات يلاقي الراحه في سجدة صلاه..

و ساعات لأغلي حبيبه ينسي إسمها

الكون بيرمي عليه كتير دايما بلاه..

و صبح لدنيا عايشها أكبر خصمها

جاب في رصاصة الموت لقاها خردقه..

فصرخ بأعلي الصوت صحيح عالم وسخ

8. ذكري

أنا،،جواني،،في الأحاسيس..و لا ليا..في فن القول

ساعات ألقاكي.. زي بصيص..بيوصل ليا م المجهول

و يوم بتجيني في الأحلام..بطرحه بيضه منقوشه

و ليله تبعتيلي سلام..ب ،،بحة ،،حزن مرعوشه

يا سلطانه علي الأيتام..ها جيبلك دبله و غويشه

عنيا..محتاجين لونيس..يصحي قلب نام مقتول

9. إعتدال الجمل

اللؤلؤ المنثور علي خدك طبع..

و الطهر جوه عنيكي قارب فزدقي.

جوايا قدام الجميع شارةشبع..

و الليل بيضحك لما فيا تشرقي.

ما بقيتش اجوع غير لما اكون جنبك هنا..

و اتهجي إسمك في الجهات الأربعه.

جوه الضلوع راسم هواكي سوسنه..

يا سندريلا و قله ليامشبعه.

يا اللي انتي في الأولو في الٱخر أنا..

مين اللي قال الشرع عايز أربعه.

عمري ما كنت في أي يوم أبدا ،، تبع ،،..

يا اللي انتي للدنيا بحالها بتسبقي

10.  يا نبي

يا مصطغي..جيتلك ماشي..لما ،، الجمل ،، عطل سيري

بالدمعه..مبلوله رموشي..و حنيني لمقامك جاري

أسمع أنين نخله وحيده..ألقي ٱثار ضهرك باينه

تغلب عليا التنهيده..تهمس.. ،، قريش دايما خاينه ،،

إزاي تكون روحي شريده..و حياتي لعهودك صاينه

في رحلتك..ألف ،، نجاشي  ،،..و ما زال في ضلك ،، أنصاري ،،

...

أشعار الشاعر القدير 

إبراهيم رضوان 

https://www.facebook.com/profile.php?id=100008189626421&mibextid=ZbWKwL

تعديل المقال