لما أموت
...
لما أموت
أكتبوا فوق التابوت
كان بيحلم..
بس عمره مكفهوش
يعني وقته مقضهوش
اضحكوا متعيطوش
ارسموا فوق الوشوش
الف فرحة تزيح جراحكم
امنعوا م الحزن روحكم
اوعوا حد عليكو يحكم
تحزنوا..
متحزنوش.
قولوا أصلا كان بشوش
كان بيضحك رغم جرحه
اللي يغلط كان يسامحه
كان بيزرع لموا طرحه
وفرقوه علي اي حد
اللي منكم حَبّني
واللى برضو محبنيش ..
واللى منكم اعرفه
واللى برضة معرفوش
يبقى يدعي بجد ليا
دي أمانة ... دي وصيه
اوعوا حد يغيب عليا
كل جمعة ياريت زيارة
زفوا روحي بالبشارة
فكروني بالامارة
كلموني بالإشارة
متقولوش ده راح بعيد
أصلي بكره حاكون وحيد
خلوا روحي بيكو دايما
في الكلام متونسه
واما تيجو تقولوا عني
قولوا حاجة كويسه
عارف اني زي غيري
ليا برضة ذنوب كتير
بس بدعي المولي يغفر
وانه بيا يكون بصير
وانه بيا يكون رحيم
يبقي ليا غفور كريم
https://www.facebook.com/salhlt?mibextid=ZbWKwL
فى عزاك ..
أتنين تلاتة من الصحاب
واقفين أخر الطابور..
والباقي أتسرسب م المشهد
من غير تكملت الدور ..
مع إنك من كام ساعة
كان جنبك قول ملايين..
لكن أدي حال الدنيا
وأدي طبع البني أدمين ..
موجود ومعاك وياك
أن روحت..خلاص بايعين..
ده الاهل على إستحياء
قاعدين وبياخده الواجب
مع إنك فى الأخلاق
مديهم مليون واجب
كان واجب إنك تفهم
أو تعرف ايه الواجب
لكن مبقاش بيفيد
ولا حتي عتابهم واجب..
...
أشعار
سامح هريدي